الأحد، 27 مايو 2012

طال الخصام



طال الخصام بينا فات التلاته شهور
لو ناوي ترجع لي بالجد تكون مغرور
******
وريني ارجع كيف وانت السبب في الكان
جاييني تتعذر تاخدني بالاحضان
وتقول كمان اسف والاتكسر بتصان
الاتكسر غالي والغالي ما بتهان
******
انساهو جرحك كيف يا صاحبي وريني
دايرني ارضي عليك وعذرك يداويني
...
احفظ كرامتك فوت لا اخوك لا تجيني
وانساني لو امكن جرحك كبير فيني
******
 حبك كان وين يوم الحصل منك
كيفن تخون حبيبتك تسقيها من سمك
بابك قفلتو خلاص وطلعت من سجنك
واخر كلام عندي اعفيني جد منك

كانت خطوة ندم

كانت خطوه ندمـــــت عليها يوم لملـــمت الريده وجــــيتك

اتحديت الدنيا عـــــشانك وهسى ندمـــــت عشان حبيتك

ولو بالايد الزكـــــــرى بترحل بنسى عيونك وشارع بيـــــتك

وانسى اليوم الفيــهو عرفتك واقــــفل بابك وامــــسح ريدك

وارجع تانـــــي احب من اول واعــــشق غيرك زولا تانــــــي

... زولا يـــــــعرف معنــــي الريده وافرح بيــــهو سنين وليــــالي

واقــــــفل منك باب القـــــسوه وافتح ليـــهو الباب التانــــي

وانسي القسوه الـــــشفتها منك وانسي عزابك وتنساني

ابدا معاهـــــو الـــــــريد من اول انسي ايامـــــك وازرع فرحه

انسي الجرح المـــنك شـــفتو تبقي حياتنا نعيم بالـــضحكه

حتي الــخاطر الانت كـــسرتو بكره بترجع سيرتو السمـــحه

برضو بسامحك رغم القسوه وانسي عيونك واطوي الصفحه

لولحظة جنبك

عايزة اعيش لو لحظه جنبك و يبقي باقي العمر ذكرى

لحظه اسرح في خيالك وتبدا قصه ريد وفكـــــــرة

********
نمشي في مشوار هوانا و تملا دنيتنا المعزة

نبني عش الريد نواصل بي ودادنا وبي المحبه

ونحكي للناس الحقيقه وقــــصه الريد و الموده
...

ونهدي للناس الــــطريقه ونبقي مرجع للاحبه

*********
يا سلام لو كل عاشـــق يوفي للزول الــــبريدو

ويخلص النيه السليمه ويبقي للمحبوب وريدو

ويزرع الريد و المـــــحبه ويعزف العشاق نشيدو

تبقي كل الدنـــيا فرحه وكل يوم نبــــداو نعيدو

لوباقى عمر

كيف اقول للناس بريدك وانت اصلا ماك حاسس

كل يوم انا ليك بقــــرب وانت برضـــك ما ملاحظ
******
كل ما قربـــت منـك انــت بالهجــــران بتبــــعد

وكل ما تذيدنا بدلالك برضـــو بي شوفتك بنسعد

مـــره بس خليك حنين لو بهمــــك نحنا نســـعد

...
لو كمان عاجبــــك عزابنـــا لســـه اتدلل وابعـــد
******
لو مشيت بالسكه ساكت نحنا نسرح في عيونك

وانــــت لا بالك معــــانا لا عـــنادك يـــوم بخــــونك

مره بس عيرنا اهتمامك وشفنا كيف بنريد عيونك

الله يهديك لو بتعرف كيف بكــون انا حالي دونــــك
******
بقيت اعاتب في الظروف لو القي في الايام عزر

مرات اقول حاتحن علي وامـــد ليك حبل الصــبر

بس تاني تتباعد خطاك واستني قربك وانتــظر

ارحمني من هجرك تعال لو باقي في الايام عمر

جاى ترجع

جايــي ترجـــع ذي زمان قايل خــــلاص الجو صـــــفا

انا ياما قاسيـــت في غرامـــك ومن عزابك بس كفــا

اديتك الريد والحـــنان ما لقيت مــــعاك غير الهــــموم

لاشفـــت في قربك امان لا لقيت سعاده وفـرحه يوم

واللــــيله يا خاين العــــهود عايز تعـــــيش دور الــــوفا

...
ما فت خليتــني ومشـــــيت عانيت براي مر الـــوداع

لا عشت في مركب هواي لا شلت من ايدي الشراع

وهســي يا ناكر هواي راجع تعـــــــيد ريد وانتـــــهي

جايي فاكر تلقــــي حبك لــسه عايش فينــــي حي

ما خـــــــلاص فارقتـــو ريدك وما بعيــــدك تانـــي لي

وطفيت كمان نيران فراقـــك وقلبي من جرحك شفـا

الخميس، 24 مايو 2012

ليلة الفراق

ليلة الفراق نظرت الى السماء ..اتذكر نظرات عيناك ..احاول ان استرجع ضحكاتك ..نظراتك..واسرح في بحر من الدموع الممزوجة بالفرح .احاول ان اتناسى مشاكلي و ان استمتع بحضورك داخلي ..ليلة الفراق ..انتظرتُ منك اشارة حتى جاء صباح ..اشارة منك تجعلني اشعر بوجودك داخلي ..او همسة رقيقة تمدني بالامل لاعيش و انتظر الليلة القادمة و تستمر حكايتي مع الليالي و تستمر حتى لا افقد الامل في حبك لي .....ليتني لم اعرفك حقاً هذه الحياة تجمعنا بمن نحب يوم..و تفرقنا ايـــام . ليتك بالحب ما لاحقتني.. ليلة الفراق هي من اصعب اللحظات التي مررت بها في حياتي .انها لحظات كم تمنيت بأني لم اعشها ..تمنيت لو لم اسمع صوتك ..و لم اراك ..ولم تداعب خصلات شعري..لم تقبل جبيني ..
ساعة الان 3:41 اكذب ان قلت انني لم استجدي عطفك و لا حنانك ..اكذب ان قلت اني لم اصرخ ..اكذب ان قلت لم احترق شوقاً لرؤيتك ..اكذب ان لم ابكي حتى جفت دموعي ..اكذب ان قلت انني استوعب غيابك او مللت من انتظارك ! فلماذا تسيل الدموع عند الفراق ؟
لماذا اصبح كل شيء في هذه الايام صعب للغاية؟
لماذا لم يعد الحب كما كان في قديم الازل ؟
لماذا ..لماذا..لماذا ...؟
هناك اسئلة كثيرة تدور برأسي ..لم اجد اجابة ..لم اجد اجابة لتلك الحيرة التي بداخلي ..حيرة من كل شيء ..فكل شيء في هذه الحياة يسير بالعكس ..فكل شيء نتمناه لا يحدث ..وما لا نتمناه هو ما يحدث ..فمن يعرف ما سوف يحدث غداً..لا احد يعلم بالغيب غير الله..فكل شيء بيده وحده ..هو الذي يعلم ما يخبىء لنا الغد ..فليس بيدنا غير ان نقول يا رب ليس لنا غيرك فنحن متكلين عليك ..
راحلة انا عنك ..نعم قررت الرحيل لكن لا تسألني الى اين..سأعود من حيث أتيت ..سألملم احاسيسي التي تبعثرت بقربك ..سأحكم نبضات قلبي المشتاقة لأصبح انسانة بلا مشاعر ..انسانة تعشق الاحلام المستحيلة ..لذا سأمهل قلبي بعض الوقت ليستعيد نشاطه من جديد كي اقف التفكير بك لفترة ...نعم سأحاول نسيانك ..لكن هكذا سأنساك ..
اذا استطعت ان تنظر في عيني و تقولها لي
اذا استطعت ان تصرخ بوجهي بها دون ان ترمش
اذا استطعت ان تراني و لا تزداد نبضاتك
اذا قلت وداعاً و لا لقاء ..
لانك حين تعشق بعدي ..ستبحث عن امرأة تشبهني ..ستناديها باسمي. و تختار لها تسريحة شعري و ستحاول جاهداً ان تجعلها انا ..ستحدثها عني..عن رسائلي ..عن صفاتي..عن ملامحي..عن عيوني ..عن جنوني..عن غروري..و ابداً لن تكون انا..
ربما فقدت عقلي فلم اعد اعرف ماذا جري لي .نعم اصبحت اكثر توهاناً .. اعتقد بأنني انهيت حبي بيدي ..فهل كلام عيوني لا يكفيك ؟ هل كان علي ان اقول احبك ؟ لا فأنا لم استطع قولها رغم شعوري بها ..
فَ يا ليتني (كنت) قلتها ..احبك احبــك احبــــك ..بأعلى صوت لي ..لكن فات الأوان ..لقد فقدت صوابي ..لانني احببتك من نظرة عين ..من لمسة يد ..بلهفتي لرؤياك ..
يا ليتني قلتها
القاك بالخير
اهداء :الى الرجل الوحيد الذي اشعل نيران الحب بداخلي

غريبة الدنيا

غربيه الحياة يا خليلي
كلمةبحبك جد مخيفه ؟
واني فاقدك واني نفسي
اكون بقربك اصبح جريمه ؟
ليك بعتذر لوكان حبي
...
ماليهو عندك جد بدايه
اصلي عارف من زمن حكايتي
مانسيتك مااني قاسيه
الا خوفك جاب جفاي
النصحيه كانت هي النهايه
حاول تحس بي حسرتي
وشيل معاك الضلمه
واحاول انساها مذلتي
الضحيه انا يا عشاي
تعبت لما بكي شقايه

الاثنين، 21 مايو 2012

حليل ابوى

في رثاء والدى...(جوايا  انت ياابوى )

كملت دمع العين وراك وجع القلوب ساقي البيوت ,,,,
حس الأنين بعدك صدح والليلة طلع ليهو صوت ,,,
معقولة يا ابوى كده و من دون وداع تمشي و تفوت ,,
...
يا ناس حرام ما تقولوا مات جوايا ابوى ما بموت ,,,,
لو الدموع بترجعك ببكيك أنا و كل الخلوق ,,
لامن دموعنا وراك تجف و العبرة تسكت في الحلوق ,,,
لكني عارفةده القدر دمعي الشديد فيك ما بحوق ,,,
والله يا ابوى حرام حزنانة وراك حتي الشروق ,,
يا ناس حرام ما تقولوا مات جوايا ابوى ما بموت ,,,,
فارقت يا ابوى خلاص خليت قلوبنا علي الهجير ,,
لا لحن بعدك لا نغم لا كلمة تمرق بي ضمير ,,
كل البلاد مستوحشاك يا غنوة الوجع المرير ,,
خليتنا بعدك في ظلام يا شمس غابت في الضهير ,,,
يا ناس حرام ما تقولوا مات جوايا ابوى ما بموت ,,,,,
يا ربي ابوى بين أيديك أغفرلو مولاي الذنوب ,,,
بدل ديارو بأحلي دار ده حبيبى معشوق القلوووب ,,,
ما يغلي يا مولاي عليك في ذمتك ابو الشعوب ,,,
ودعنا رمزا الصمود علما" خلاص ساب الدروب ,,,,,,,
أستغفر الله العظيم ...اللهم أغفر له و أرحمه و تقبله مع الشهداء و الصدقيين آميييييين
.....

ضيعتنى وبعتنى

ضيعتني اجمل كلامك في الهوي سمعتني خليتني ابداء احلامي بيك طمعتني ولحد اخر سلم الاحلام طلعتني عشان لاقي بكل قسوه وبي بساطه ضيعتني وخدعتني
ليه ابتديت وليه نهيت مش ليه مليون سؤال بيشدني
مش لقي اي جواب عليه خليتني احلم بي المحال
وسبت لي وهم وخيال انا اشتريتك بالحياه وانت والغدرت وبعتني

السبت، 19 مايو 2012

وجودك

بحب في وجودك ...
وجود ... الوجود ...
ولمن تجود ...
علي بالحضور ...
بكونك ... انا ...
...
واكون .. في كيانك ... جنون الصهيل
حقيقي ... بتصدق ...؟؟
وداع الاصيل ..؟؟
وانا بشتهيك ... فــــ ليه الرحيل ...؟؟

لانك ...
انا ..
ولاني ... اناك ...
واثقة وجدا ... حقابلك هناك ...
وقد ... يكون هنا ...
- واشار بين كتفيه

الخميس، 17 مايو 2012

تعلمت من الحياة

تعلمت من الحياه ان استمع لكل راي واحترمه وليس بالضروره ان اقتنع به,
تعلمت من الحياه,
ان ابكي فالبكاء راحه للنفوس شرطا ان امسح دمعتي قبل ان يراها الاخرون,
تعلمت من الحياه ان لا اسرف بحزني وفرحي لان الحياه لاتتم ع ونيره واحده,
تعلمت من الحياه,
...
ان لاا اتدخل فيما لايعنيني ولو بالاشاره,,
تعلمت من الحياه,,
عندما يفقد المنطق يعلو الصراخ,
تعلمت من الحياه,
ان لا احزن علي وداع صديق فربما يكون وداعا لا لقاء بعده,
تعلمت من الحياه,
ان لاتكون نهاية علاقتي بصديق هي بداية كرهي له فربما تنهي المحبه ولكن يبقي التقدير والاحترام,
تعلمت من الحياه,
ان اكون النجم الذي يقضي عمره لبث النور للجميع دون ان انتظر من احد ان يرفع راسه ليقول شكرا

السبت، 5 مايو 2012

اتحداك

أتحداك لو تنساني أو لي حبي تلق بديل
أنا الدرب الخطاي تمشيهو تعجز عن مشيهو الخيل
حبك ليا لو تخفيهو يظهر فى وشيك عديل
تبدأ ملامحو فى عينيك يقراها الكفيف بالليل

ياربى

ياربي ممكن يجيني يوم أخد قرار أنا وانسحب ؟
اصحى وافوق من الوهم والحق عقاب عمري التعب ؟
واجدع وراي كل الحصل العشتو جد والكان لعب ؟
ياربي ممكن ولا لا ؟
اعقل كده واختا الدرب ؟
واعلن لكل الناس خبر فيهو الحقيقة بدون كذب؟
انو الحنان الكان زمان
اسمو الغرام اسمو الجديد وجع القلب ؟
 

ماظنى ابقى شجاعة

بتمنى أنساك وأكرهك .. بتمنى من كتر الجروح الفينى
لو يوم أجرحك .. بتمنى أبقى شجاعة جد
مع نفسى وأقدر أشرحك ..

ما أنت واضح ومابتدس
لاك فاهم الحب.. لا الغرام .. لا حازى فى نفسك خصام ..
لا بتوجعك لحظة صدام ..
لا بتسعدك ساعة سلام .. لا بغيرك كتر الملام ..
لا مرة شوقك لى غلب
او دبت من نار الغرام .. وأنا زى مخدرنى العشق
...
وأنا عشقى حالة أنهزام ..

لو ديمه تهدينى الوجع أنا ديمه بهديك أحترام ..
لو أنت متناقض هواك
أنا دين هواى الأنسجام .. باكر تضيق الدنيا بيك
ترجع تعيد نفس الكلام ..
ترجع تقول بتحبنى وأنو الفراق أصلا حرام ..
وأنا ديما بيك متعودة
أنسى الحصل.. وأنسى الخصام ..
وأنا شان بحبك.. وبعشقك برجع ببادر بالسلام ..
برجع بصدق كلمتك لو طال حديثك فينى لام ..
ما الريدة اصلا بشتنة بتحلل الحل.. والحرام ..
شان ماك عارف الريدة ايه
اسمع كلامى الليلة هام ..
الريدة نظره شوق شديد

من رمش هداهو العطش عن غير عيون محبوبو صام ..
الريدة ضحكة.. وأبتسام ..
الريد تناسق.. وأنسجام .. الريدة أحساس بالسلام ..
أحساس وساع وسط الزحام ..
والريدة قلبين التقوا حفظوا العهود.. والعهد دام ..
شان كل دا...
ما اظنى اقدر أكرهك .. ما اظنى بى رغم الجروح
الفينى يا زول أجرحك ..
ما اظنى ابقى شجاعة جد مع نفسى وأقدر أشرحك

الأربعاء، 2 مايو 2012

جاى تعتذر

الـلـيـــلــه جـــــاي بــتــعـتـذر؟***جـــاي تــرجـــع الــمــاضي الولوف؟
خلاص الليله عن حبك عـزوف***شـــان انــــت بـــكـيـت الــحـــــروف
وادمـيـت الـعيون رغم الظروف***رغـــــم الــكـــان زمـــان مــعـــــروف
وانت عارف قلبي جد ملهـوف***و...
فـيـك بـيـسـعـي...ومره مره بطوف
لـكـن الشلتو ليك جوه القلب***مــا كــان كــفــايــه وكــــان غــلـــب
... لـكـن خـلاص القلب تعب***وحرام الحب عليهو من تاني اول يا قلب
بس عايزو ينسي الكان معاك***يــزجـــر حــبــيــب مــيــــــــــت وراك
وهــو مــتـشـخـتـف بي قفاك***لا يــقــدر يـنـسي...لا يـطـول يمناك
وانا نفسي فــي غـيرك ملاك***انـــســان جـمـيـل مـلـيـان ســمـات
فــيـهـو الامــانــه تـكـون ثبات***فــيـهـو الــوجــل واجــمــل صــفــــات
ولــو برضو برحل في الشتات***وما حـا ارجــع تـانـي ليك لو للممات

مقطوعة صلات

بيناتنا مقطوعة الصلات .. لا يوم تجيني ولا أجيك
وبقينا أغراب في الوداد .. لا لي حق .. لا شوفة فيك
أصبحنا ضدين في الغرام .. لا إنت لي .. لا شوقي ليك
لكن تأكد يا مناي
بيناتنا مليون احتمال
يرجع يوالينا الوصال
يتلم شملنا من جديد
وتعود ليالي الاشتياق .. غيرة ومناكفة .. واحتراق
تحتاج حناني .. واشتهيك
لكننا الآن يا عزيز .. بيناتنا مقطوعة الصلات