خلاص تعبت

يا حبيبي خلاص تعبت ..
ومن عذاب ريدتنا تبت*
عارفو قلبي عليك باقي ..
وإني في عينيك دبت *
ياما بسهر في بعاااادك ..
... وليك عهد الريد كتبت *
من جميع الناس هويتك ..

 إصطفيتك وليك عشقت *
إلا في حبك بقااااسي ..
وللشقي المهموم صعبت
كنا للناس أحلي ريده ..
بحكو عن حبي وغرامك *
قالو إنك ليا عاااااشق ..
وعمري ما بحمل خصامك *
فجأه قلبك أمسي قاسي ..
وليا إتغير سلاااااااااامك *
لا بشوف لهفه عيونك ..
لا بحس لوعه كلامك *
بالمحبه تغيييت علينا ..
لما حسيت بي مقااامك *

لو حنينك مره عااااود ..
جيت تفتش عن حناني*
أعرف إني خلاص نسيتك ..
وإنو قلبك هو اللي جاني *
ليه أصون يا غالي عهدك ..
وأرضي إخلاصي وأعاني *
وكيف أعلم قلبي يصفح ..
وإنت حبك ليا فااااااني *
قلبي إتعلم خصاااااامك ..
ومستحيل الرجعه تاني *

شلت ليك أنبل مشاعر ..
وإنت ودك ما كفااايه *
لو مشاعرك لي حقيقه ..
كنت بتحمل أسااااايا *
قلبي يسقيك الموده ..
وجد نكون أجمل حكايه *
قالو لي الحب سعاده ..
وإنت حبك زاد أزااااايا*
الودااااع يانور عيوني ..
إتكتب لينا النهااااايه