حقيقه بقوله من جواي وعليها بصمت بالعشره
مادام الرجال ظالمين و حاقرين بالحريم حقره
يسلبو الواحده من قيمه و يفنو للكرامه ورا
لابد من تعاني كتير معاناة تشل فكره
و من الواقع عليها دوام تسوي شنو الظلم جبره
...
مادام الرجال ظالمين و حاقرين بالحريم حقره
يسلبو الواحده من قيمه و يفنو للكرامه ورا
لابد من تعاني كتير معاناة تشل فكره
و من الواقع عليها دوام تسوي شنو الظلم جبره
...
كتر غلبا عليها وقع تقطعو مغسه في صدره
لا في قراية عندها راي ولا فد كلمه في مهره
حبيبه تضاري من الناس و ما بتقدر تقول دايره
مشاعره تدفنن جواها ما بتسمح يبين اثره
ومن يادابا بت في العام تضوق في القمده ...و النهره
زواجه يكون في ايد غيره حتى ولو هي دار تقرا
معرسه لا كلام معسول تسمعو يوم ولا بتحرا
وما هو بعيد في اي وقت تدفر الباب تجي الضره
حريم صبرن علينا كتير ولينا مسخرات سخره
هن اللاقن حمو النيران هن القبضن علي الجمره
حقيقه و ثابته في التاريخ وراء كل زول في مرا
لا في قراية عندها راي ولا فد كلمه في مهره
حبيبه تضاري من الناس و ما بتقدر تقول دايره
مشاعره تدفنن جواها ما بتسمح يبين اثره
ومن يادابا بت في العام تضوق في القمده ...و النهره
زواجه يكون في ايد غيره حتى ولو هي دار تقرا
معرسه لا كلام معسول تسمعو يوم ولا بتحرا
وما هو بعيد في اي وقت تدفر الباب تجي الضره
حريم صبرن علينا كتير ولينا مسخرات سخره
هن اللاقن حمو النيران هن القبضن علي الجمره
حقيقه و ثابته في التاريخ وراء كل زول في مرا
ليست هناك تعليقات:
إرسال تعليق