انه الحب

ما تقول لى انك خلاص فارقت دربى وما معاى
ما تقول لى انساك انا وتنسنى فى يوم يا هواى

انا ما بسيبك حتى لو خليت ريدى وامتنعت
مابخليك حتى لو لى حتى فى يوم لى منعت
... وبرضى فاتحة ليك قلبى لو حصل فى يوم رجعت

انت روحى وانت حبى ومستحيل انساك انا
انت حبك جوة قلبى جوة فى الجوف بس هنا

حبك شغل بالى وهلكنى شوق امل وعد ومنى
حب من زمان ساكن فى قلبى شاغل حوايى مجننا

انساك كيف واسلاك كيف وانت الامل وانت العشم
بس كيف اسيبك مهما يحصل وابقى عايشة فى الندم

حياتى من غيرك محال دنياى من غيرك عدم
وغيرك انت ما بحب واى حب غيرك وهم

ياسعادة دربى انت ويا امل عمرى وزمانى
يافرح نبض الدواخل يا ينابيع الامانى
ياعطر روح المحبة ومنبت احساس الاغانى
اااصلو ريدك ما بسيبو مهما فى ريدك اعانى