مبروك علي جرحي وشقاي الروح مشت .. باقي الجسـد
-------
شايفاك تبشر للصحاب وأنا كايسه من عينيك مـدد
موجوعه صاح محروق حشاي بس في النصيب مالينا يـد
-------
ماأظن دموعي تجف وراك في العين بحور ماليها حـد
لكن جواي قلبـا`` ولوف بتمنى ليك الفرحه جـد
-------
مابكرهك لو لي نسيت هديت جواي الريده هـد
قلبي العرف درب الوداد والله مابعرف حسـد
-------
أطويني في الصفحات وراك ماتطرأ ذكرآي للأبـد
خليني في ماضيك سحاب سافر بلا يقصد بلـد
-------
عافيالك الفرح السأل عنك وماراجيلو رد
عافيالك الدمع النزل إن شاءالله بينك وبينو سـد
-------
عافيالك الوجع البئن عافياهو جرحي المابـرد
انساني ماتشيل ليا هم إتهنأ ضوق إنت السعـد
ليست هناك تعليقات:
إرسال تعليق