اقدر

يا حليلا افراحي والضحكة الكانت ملازماني...
لما اصبح على صوتك يا العشتي جوة وجداني...
وقت اقيف قصاد عينيك وانسى معاك احزاني...
وكل ليلة بالاحلام ارسم لك بساتين ورد ومباني...
قصور وانهار وجنة ريد اسقيها الامل واماني...
...

وما كنت قايل يوم اصبح والقى القدر جاني...
يموت ورد الريد تجف انهار مودتنا وينهد بنياني...
ما كنت بتخيل على حبيبي اهون يخليني يفوت وينساني...
ويصبح قلبي بالغدر مقتول وتكوني انتي الجاني...
وابقى وسط العذاب ممكون ونار الفرقة كاوياني...
فارقت درب الريد سكة حرام علي امشيها من تاني...
لا اشوف لي حبيب ولا بفراقو تتقطع اشجاني...
اصلو شن نلنا من الريد غير الشقى نتألم فيهو ونعاني...
واخير لي انسى حبيب باع وفات خلاني وحداني...
يكفيني حب امي وابوي حب اختي واخواني...
وحب رفاق دربي الدايما معاي اصحابي وخلاني...
معاهم بعيش مبسوط وما محتاج لزول تاني..