اقعد

ياريت تقُعْدِ براكِ يوم كل الزمان تتذكَر
وتعيد تاريخ الحصل وكل الحدث تتفكر
من لحظة الهنا والسلام لي لحظة الصد والخصام
كل الشريط تتذكر
كان تعرف الحب الصحيح كان كل عذابي بتشعر
...

راجيك تحسم موقفك بالله ما تتأخر
كل العوازل قالوا ليك خلوك ليه تتأثر
لو كان عرفت محبتي والله قد تتحير
أنا ما نسيت أنا ليك هويت وانا ليك وفيت ..
في قلبي بس تتحكر
بهواك رغم الصد كتير كان راجية منك تشكر
ما كان زمان أقسمت لي تهويني ما تتغير
وانا منتظرة في يوم نداك رغم الحصل حاجيك جر
لو كنت أخطيت يوم زمان كان الخطأ بس تغفر
في داخلي بتألم براي بظهر سعيدة في مظهري
لكني مسكونة بالعذاب إنت الألم ما بتشعر؟!
لو للفرح تمن يدفعوه كان برضو نحنا بنشتري
لو كنت واثق من الحبيب كان الأمُر بتكسر
ما كنت تنكسر وخلاص ما كان حبيبك تهجر
أرجوك أقعد بس براك كل الشريط اتذكر