اجمل احساس

أيـه شـعـورَك .. ؟

لـو تحـبـّك زولـة ( عـايـشـة ) -

عـشـان بـتـتـنـفـّس حـُضورَك ..!
...

أيـه شـعـورك ؟

لـو بـقـيـت ضحـكـة عـِنـيـهـا ..!

و كـنـت أجـمـل زول لـديـهـا ..!

و صرت مـنـّهـا - أدنـى لـيـهـا ..

داخـلـة قـلـبـك بـى مهـابـة ..

و شـارقـة نـبـضك بى الـصبـابـة ..

و فـاتـحـة فـيـك خـزّان كـتـابـة ..

دافـقـة حـِنـّهـا فـى وريـدك ..

كـفـكـَـفـتْ أكـمـام نـشـيـدك ..

و صنـْفـَرتْ كـلـمـة ( بـريـدك ) ..

صنـّفـوها بـِنـيـّة هـايـمـة ..

فـى سـكـك دنـيـاكـا حـايـمـة ..

و بـيـك بـتحـلـم صاحـيـة / نـايـمـة ..

قـلـبـك الـبـردان و دافـى ..

وجـَّعـت فـيـهـو الـقـوافـى ..

شـِعـرو يـمـرق جارى / حـافـى ..

عـايـزة تـبـنى مـعـاك حـيـاتـا ..

شـتــّتـتْ فـيـك أمـنـيـاتـا ..

و شـايـلـة مـنـك ذكـريـاتـا ..

الـحـنـان مـارق مجـرْتـَق

مـن عـويـنـاتـا الرحـيـبـة ..!

شـوفـتـا ترطـِّب دواخـلك

لحـظـة الـوحـشـة الـعـصيـبـة ..

ما بـْتـسـيـبـك ..

هـل ح تـقـدر إنـت تـنـسـاهـا و تـسـيـبـا ..؟؟

سـَرَّحـتْ طـفـلـة مـشاعـرَك :

شـوق و لـهـفـة بـِقـَـن ( ضـفـايـر ) ..

طـمّـنـتْ بـَطـْن الـمـظـنـّة ,

بى صوانـى مـن الـبـشـايـر ..

كـان وشـيـش الـكـلـمـة أغـبـَش -

شـافـا عـاد لـى سـطـْرُو – نـايـر ..

أيـه شـعـورك ؟

هـل ح تـفـرح ؟ .. هـل ح تـسـرَح ؟

هـل ح تـتـلـفـّت تـعـايـن -

و تـفـتـكـر فـى الـكـان و كـايـن .. ؟

هـل ح تـزرع ريـق صُبـاعـَك

فـى قـوامـيـس الـمحَـبـّة ؟

هـل ح تـعـلـِن جـُوّه دمّـك ؟

إنـو حـالـة الـريـدة صعـبـة ..؟!

أيـه شـعـورك ؟؟