وين

ﻏﺒﺖ ﻭﺟﻴﺖ ﻣﻦ ﻭﻳﻦ ﻳﺎﻏﺎﻳﺐ ..
ﺗﻔﺘﺢ ﺑﺎﺏ ﺍﻟﺤﺐ ﺟــــــﻮﺍﻳﺎ
ﺷﻦ ﺳﻮﻳﺖ ﻓﻲ ﺍﺣﻼﻣﻨﺎ ﺍﻟﻔﺎﺗﺖ ..
ﺟﺎﻳﻲ ﺗﻜﻮﺱ ﺍﺣﻼﻣﻨﺎ ﺍﻟﺠﺎﻳﺔ
****
ﺿﻤﻀﻤﻨﺎﻙ ﻳﺎﻟﺠﺮﺡ
ﺍﻟﻨﺎﺯﻑ ..ﺩﺳﺪﺳﻨﺎﻙ ﻓﻲ ﺟــﻮﻓﻨﺎ
ﺷﻈﺎﻳﺎ
ﺗﺎﻭﺭﻧﺎﻙ ﻓﻲ ﺍﻟﺰﻣﻦ ﺍﻟﻨﺎﺷـــﻒ ..
ﻭﻛﻮﺭﻛــــــﻨﺎﺑﻚ ﻳﺎﻣﻮﻻﻳﺎ
...

ﻋﻀﻴﻨﺎﺑﻚ ﺟﻤﺮ ﺻﺒﺮﻧﺎ ..ﻭﺻﺒﺮﻱ...
ﻳﺰﻳـﺪ ﺍﻟﻌﺸﺘﻮ ﺑﺮﺍﻳـــــــﺎ
ﺟﻴﺖ ﻣﻦ ﻭﻳﻦ ﻭﺍﻧﺎ ﻟﺴﻪ
ﺑﺮﻳﺪﻙ ..ﻭﻟﺴﻪ ﻋﻴﻮﻧﻲ ﻋﻠﻴﻚ ﺑﻜﺎﻳﺎ
****
ﺁﻩ ﻣﻦ ﻗﻠﺒﻚ .. ﻭﻗﻮﺓ ﻗﻠﺒﻚ .. ﻳﻮﻡ
ﺗﺎﻗﻴﺖ ﺍﻟﺒﺎﺏ ﺗﺎﻻﻳـــــــﺎ
ﻳﻮﻡ ﻟﻤﻠﻤﺖ ﻭﺳـــــﺎﻉ ﺍﻟﺤﻠﺔ ..ﻭﻳﻮﻡ
ﺿﻴﻘﺖ ﻋﻠﻲ ﺩﻧﻴﺎﻳﺎ
ﺍﺑﻜﻲ ﻋﻠﻴﻚ ﻭﺍﺑﻮ ﺍﻟﺘﻲ ﺗﻲ ﺍﺑﻜﻲ
ﻣﻌــــــــﺎﻫﻮ ﻭﻳﺒﻜﻲ ﻭﺭﺍﻳﺎ
ﻭﻳﻦ ﻏﺘّﺴﺖ ﺣﺠﺮ ﺍﻓﺮﺍﺣﻲ .. ﻭﻭﻳﻦ
ﺑﺪﺩﺕ ﺍﻟﻀﻮ ﺟﻮﺍﻳــــﺎ
*****ِ
ﺗﺒﻨﻲ ﻭﻟﺒﻨﻲ ﻭﺭﺍﻙ ﺍﻓﺘﺶ ... ﺩﺭﺏ
ﺍﻟﺸـــﻮﻕ ﻣﺎﻋﻨﺪﻭ ﻧﻬﺎﻳﺔ
ﺍﺗﻮﺳﺪﺕ ﺭﺻﻴﻒ ﺍﻟﺮﺟﻌﺔ ﻭﻣـــﺮّ
ﻛﺘﻴﻴﻴﺮ ﻣـــﺎ ﻛﻨﺖ ﻣﻌﺎﻳــﺎ
ﺍﺗﻤﻨﻴﺘــــــﻚ ﻧﻮﺭﺍ ﻳﺸﺮﻕ ..ﻧﻘﻄﺔ
ﻣﻄﺮﺓ ﻋﻄــــﺎ ﻏﻴﻤﺎﻳــــﺎ
ﺍﺗﻤﻨﻴﺘﻚ ﻧﻴـــــﻞ ﻭﺑﻮﺍﺩﻱ .. ﻭﻏﻴﻤﺔ
ﻇﻠﻴﻠﺔ ﻭﺿﻞ ﻧﻴﻤﺎﻳﺔ
ﺍﺗﻤﻨﻴﺘﻚ ﻋـــــﺰ ﺍﻟﺼﻴﻒ ..ﺳﻌﻔﺔ
ﻣﻌﻠــــﻘﺔ ﻓﻲ ﺗﻤﺮﺍﻳـــــــﺎ
****
ﻭﺍﻧﺖ ﻣﺸﻴﺖ ﺧﻠﻴﺘﻨﻲ ﺍﻏﻨﻲ ..ﺍﻟﻠﻪ
ﺍﻟﻠﻴﻞ ﻳﺎﻟﻴﻠﻲ ﺑﺮﺍﻳــــﺎ
ﺁﻩ ﻣﺴﻜﻴﻦ ﻟﻲ ﻧﻔﺴﻲ
ﺃﻣﻨﻲ ..ﻭﻟﻠﻤﻴﺘﻴﻦ ﺗﺎﺭﻳﻬﻮ ﻏﻨﺎﻳـــــﺎ
ﻭﺍﻷﻳﺎﻡ ﻣﺎﺳﺎﻛﻨﻲ ﺗﺤﻨﺪﻙ .. ﻣﺎﺩﻱ
ﻟﺴﺎﻧﺔ ﺣﻼﺗـــﻚ ﻭﺩﻗﺪﻕ
ﻭﺍﻧﺖ ﺑﺮﺍﻙ ﻋــــﺎﺭﻑ ﺩﻧﻴﺎﻧﺎ .. ﻟﻤﺎ
ﺗﻘﻮﻡ ﺣﺎﺳﺪﻱ ﻭﻛﻮﺍﻳﺎ
****
ﻭﻏﺒﺖ ﻭﺟﻴﺖ ﻣﻦ ﻭﻳﻦ ﻳﺎﻏﺎﻟﻲ ؟
ﻭﺍﻷﻳﺎﻡ ﻓﻲ ﻏﻴﺒﺘﻚ ﻗﺎﺳﻲ ..
ﻭﻧﺎﺭ ﺍﻟﺸﻮﻕ ﺣﺎﺍﺍﺭﺓ ﻭﻗﻼﻳــــــﺎ
ﻭﻏﺒﺖ ﻭﺟﻴﺖ ﻣﻦ ﻭﻳﻦ ﻳﺎﻏﺎﻟﻲ ..؟
ﻭﺍﻷﺣﺰﺍﻥ ﻓﻲ ﻏﻴﺒﺘﻚ
ﻛﺎﺑﻲ ..ﻭﺟﺎﺭﻱ ﺑﺤﺎﺭ ﺍﻟﻬﻢ
ﻟﻮﺍﻳــــــــﺔ
ﻭﻏﺒﺖ ﻭﺟﻴﺖ ﻣﻦ ﻭﻳﻦ
ﻳﺎﻏﺎﻟﻲ ..ﺗﻔﺘﺢ ﺑﺎﺏ ﺍﻟﺤﺐ
ﺟﻮﺍﻳـــــﺎ
ﺷﻦ ﺳﻮﻳﺖ ﻓﻲ ﺍﺣﻼﻣﻨﺎ ﺍﻟﻔﺎﺗﺖ
ﺟﺎﻳﻲ ﺗﻜﻮﺱ ﺍﺣﻼﻣﻨﺎ ﺍﻟﺠﺎﻳــﺎ