احتار معك

شنو يعني كان مالقيت هواك ..
في ياتو يوم دام لي لقاك ..
ما ديما بي نضم الفراق
فاتحلي فاك ..
لا مره هديتني وهديت
...

لا قلت للاوجاع كفاك ..
يدك ولا بتقش دموع
لا شاورت للريد هداك ..
يدك كما وهج السراب
قاتلني بي احساس نداك ..
بتمد ليك اليوم الشعور
باكر تخونك بي وراك ..
يوما البتتمايل حنين
انا عارفا يوم قسوه هواك ..
بهمس اصبر في القلب
يوم الفراق الليله جاك ..
انا بس محيرني الكلام
هل بالغلط ادسا جاك ..
قاليك تقولني ولا في شئ
بتحسا او محسوب وراك ..
لملمت لي نضم السنين
خليت قليبي اهو اصطفاك ..
هل انت غافل يا جميل
ام لسه حاير بيك صباك ..
ليه انت مرات تبقي حب
مرات عذاب
واحتار معاك