منو القال ليك

منوالقال ليك ما بقدر اعيش من غير حنان عينيك

منو القال ليك تتخيل عذاب عينيا من ماضيك
ومنو القال ليك قلبي بحر يشيل من حبو شان يرويك
حليلك انت والله وحليل افكارك القالت
قليبي البعتو ما هاميك
وخيالك لو يقول ليك يوم قلبي فريسه بين اديك
وحاتك لا لا يا مغرور خلاص عرف العليك والبيك
وعزاي في الدنيا يستحمل وما يرجع يفكر فيك

رجاي يا قلبي تتحمل وما تطلب شفاعه وعون
هو لا اول حبيب يقسى ولاك اخر قلب مطعون
خليك في علاك ثابت وخيب داخلو اي ظنون
كنت زمان اثير محياهو عاشق منظرو ومفتون
تشهق لو قريب منك وتسمع نبضو وين ما يكون
ونظرات عينو لو ينظر بتلهب داخلك الممكون
ضاغت بيك ضلوعي اخترت في داخل ضلوعو سكون
مديت ليهو يد الحب وقلت خلاص ملكت الكون
وكان عشمك جوا ضلوعو طول عمرك تكون مسجون
وعشان خاطر سواد عينو قواسي الدنيا شانو تهون
وجازاك يا قلب بالصد وضقت من العزاب كم لون
سافر من حناياك فات كانك ما عشقتو في يوم
وقرر يا حنين ينساك وما يطراك لو في النوم
وما ساب ليك اي سبيل عشان تقدر تعاتبو تلوم
شال من زرعك التفاح وخلالك كرور الدوم
وحالك مافي ليه مثيل صباحك نوم مساك تحوم
ذي صير التمر جسمك مغلف وجواه مافي بذور
خساره يا قلبي تتالم وتحزن شان قلب مغرور
عهدتك ياقلب شامخ قلب باسم قلب مسرور
ويلاك هسه نتحالف ضد الاهه واي شرور
نعيش انا وانت بين اسراب نصاحب طوف بلابل الدوح
نطير من سيل دموعنا بعيد نفارقك يا الم ويا نوح
وياما الدنيا بتنسي وفيها اكيك حزنا يرووووووح