ضوء الشمس

يالمارق مني مروق امس
منسرب بينات المسام
...زي مادخلت بلا اي حس
ولامست بالشوق العضام
انسرق زي ضوء الشمس

برااااااحة خليلي الظلام
,,,,
أنا مابريدك اشان اريد..
او شان تبادلنى الهيام
ده أنا عشت فاكرة الحب وطن ..
وانا وانت الشوق السلام
ومن جني سويتك ..
نشيد اقراهو في عيد الغرام
,,,,
يالمارق مني بلا إذن..
يالساكن قلبي بلا نظام
كان قادر امرق مع العرق ..
أو دس روحك في الكلام
أو كب من عينيا شوووو..
وكتين يجافيني المنام