قشوك ياقلب

يا قلب قشوك
وفي وسط الحزن خلوك
وديل فاتوا هناك ونسوك
وبي نار الحنين زلوك
ولا في قعده,بالكلام ذكروك
... وما صانوا..ولا..ولا وفوك
ويوم راحوا..بالدمعه ديك بكوك
ومن الحنان يا قلب حرموك
وما حفظوك ولا كمان واسوك
ديل بس غصب جرحوك
سيبون ماهم زمان ظلموك
وعيش الباقي في الايام وقت قشوك
وامشي لي ناسا دوام حبوك
وفي نص العيون يا قلب دسوك
وفي هجر الليالي لو تعوز يدوك
يدوك القلب...ما انت جد حبوك
والروح...لو تقول يفدوك
طيب ليه تسيب الكان زمان جاروك؟
وتمشي لي ناس في الدنيا كان خدعوك
وغشوك وكمان يا قلب ذبحوك
يلا ارجع يا قلب ارجع خلاص للجوك
وعيش ليهم شان همَ جد حبوك