جاية ياقلب بعتذر

يا قلب..
جاي ليك وبعتزر
يا قلب...
جاي طالب للسماح
جيتك خلاص..جاييك تايب
يا قلب..
... عارف اني زمان ازيتك
وفي حضن زولاً غريب خليتك
وما كان نصحتك, وليو رميتك
ولا على الطريق دليتك
يا قلب..
جاي ليك وبعتزر
بعتزر بدل زولي القبيل
زولي الهجر خلاك عليل
وكذب عليك وفات بعيد
سافر خلاص رحل الصعيد
سابك خلاص خلاك وحيد
خلاك تايه في الدريب
لا ليك صديق ولا ليك عيد
والالم زايد شديد
يا قلب..
جاي اقولك..
انسي حبك..
فارقو دربك..
وطيعو ربك
يا قلب..
امشي ارحل يا قلب
ارحل كمان ويا الفرح
اصلو فاتك وانشرح
غرد وارقص يا قلب
وخليك سعيد في الدنيا جد
وخلي فرحك كتير ما ليهو حد
ولو جاك راجع صدو صد
واوع تفتح ليهو درب
يا قلب..
لو جاك قال انو تاب
وانو امرك هو الصواب
اوع تفتح ليهو باب
واطردو..اطردو..اطردو
اطردو من قديمك والكتاب
اصلو كان القمر
لكن خلاص يا قلب غاب
يا قلب..
انا جد بعزك من زمان
وماف حد بكره قليبو..الا جان
وانا ديمه شايل ليك حنان
وكونو هجرك وما هو صان؟
معناها الغلط فيهو ما الزمان
يا قلب..
انا عارفو اصلك انت طيب
وانت غفرانك قريب
بس وحاتك يا قليب
اوع ترجع للحبيب
حتي لو كان هو الطبيب
وجاك شايل للزهور
واهداك كمان اجمل عطور
وقال عايز يشيلك في العيون
وجد بحبك للجنون
وقال تاني حا يقدر يصون
اوع ترجع ليهو تاني
اصلو جد يا قلب اناني
والبخونا مره..
اكيد حا يخونا تاني
يا قلب..
انا جد تعبت من السفر
وبقيت كمان عايش ضجر
ودايما مساهر للسحر
يا قلب..
ولو قلت ترجع ليو اكيد
تاكد..
انك حا تقسي على شديد
اصلي ما عايز حبيب
ولا عايز اعشق من جديد
كفايه الرحل كان النديد
كان الملاك..كان العنيد
وكنت بدعي ليهو بالعمر المديد
بس امرو خان ما كان سديد
ولا حتي حبو كان رشيد
يا قلب..
خليني اطرد للاناني
خليني احلم بالاماني
خليني اسعد في زماني
وما عايز الزمن من تاني تاني
يرجع ويهيج لي حناني
وكفايه.. كفايه.. كفايه
وانا ليك كتبت للنهايه
كتبت ليك اسواء حكايه