النجوم

ساهر وحيد..بعد النجوم
بعاين للقمر وسط القيوم
ومنتظر حد بعبر وما بدوم
منتظر..منتظر نور العيون
......
بتتزكري يوم شفتك قاعده وحيده؟
... لمن جيتك متلبك وشايفك كريسيده,
شايفك قمره تتحاكي براها وحيده
وتتونس مع سوار حافف ايده
.....
وصلتك وقلت وحاتك انتي بحبك
ومتمني في جوه العين دي احفظك
احفظك من امك وابوك وخالك وجدك
احفظك من نسمه تمر بي جلدك
.....
وانتي كنتي مندهشه وحايرا
وكنتي كمان يا حليوه دايرا
دايرا من قلبك وما دايرا
وقمتي من مكانك وعكسي بقيتي سايرا
....
واصلت وراك..وقفتي..ووقفت وراك
وصلتك قريب...وقلت...بدور افداك
بدورك انتي,ما انتي,انتي ملاك
انتي الوقعتي القلب في شباك
....
شكلك ما بتتزكري يا حلوه
وشكلك برضو نسيتي الغنوه
ومن يوم اهلك ساقوك عنوه
جالس راجيك وبردد غنوه
....
غنوة ريدك...الضاعت في الازمان
ضاعت بين احساس فاتر وولهان
يا الكنتي حبيبه,لا,بل حتي الان
كنتي قريبه وانا بي حبك جد سلطان
....
وانا لو بعتب؟ما بعتب يا حبي عليك
بعتب على ظرفي الكافر الكان مابيك
بعتب على كل شئ فقدني شوفت عينيك
لمسة ايديك..احضانك وبوسة خديك
....
لا..لا..لا..لا..لا انا ما مـصدق جد
اني بعيد منك يا حب,وصادد صد
وبينا ايام وسنين بس عدن عد
وانا حبي ليك يا غاليه فات الحد
....
فات خلاص حد الوصف
ولو كتب مليون حرف
وقال عايز..ينجرف
وما عنك ينحرف
....
شفتي كيف الحب حديد؟
حب شديد ما ليو نديد
حب بناضل من جديد
بناضل وهو سعيد
....
وراضي حتي ..لو كان يا حب غريق
او كان محاصر ..وسط نيران الحريق
وحـتـي لـو طـردوه بـره ..بره الفريق
ما انتي..انتي..انتي انفاس العبيق
....
وفي الختام ...بقول بحبك يا زهور
وليك من قلبي اجمل ارياح العطور
وفداكي كل الطير واسماك البحور
فداك قلبي..ويفداك في وقت السحور
يا اجمل من المطر البغازل في البحور
وانا بحبك...وما ممكن انساك..او اجور