الوداع

قلت : الرحيل
قالت: كفاك،
لمتين مبارى دَرِبْ عَصاكْ
... قلت : الوطن!
قالت: هَدَاكْ
بين رمشة الشمس وجَناكْ

ياروحى تنسدل الغيوم
أرجع أفتش مبتداك
تنسانى خطوات ما بتَصَلْ
ترجانى أشواقك معاك
مخرج شتاتنا زَعَل غُنا
مدخل بلدنا شعور رضاك
والليلة جيت من آخر الشهقة
وعصافير المدن..
راكات على أغصان نداك
ما كنت خطوات فى البعيد
لا رجفة الليل فى المدن
لا وقفة ..لا تيمة شجن
كم رن فى صوتك نشيد
وأنا فى زمن سامع خطاك
من مدخل البلد الغُنا
للمشية فوق زعل الشِراكْ