الاثنين، 23 أبريل 2012

المحنة خسارة فيك

باكر تجي وشايل الندم تتمني لو ارجع واجيك
بي اعلي صوتي بقولا ليك زمنك خلاص راحت عليك

جايني مزلول بالدموع قايلني برجع ليك احن
اهون عليا اموت وراك من ترجع ايامي وتحن
شفت العذاب وياك سنين كمل الحنين جواي اظن
من وين اجيب ليك الوداد وانت الكتلتو وقت مشيك

ما كنت تلعب بيا ساي مالك رجعت اشتقت لي
ماله الظروف ضاقت عليك في العتمه جيت كايسني ضي
...
انا ما انا الزولة الرخيصة ماني البهون تتسلا بي
انا قلبي اكبر من دموع وفر دموعك وسيب حكيك

ندمااااانة تقلب في المحن دايرني ابقالك دليل
ارجع واخدك للفرح وانت السقيتني دموع قبيل
معليش ومتأسفة شديد والله مش لو جيت زليل
لو جيت تبوس رملة خطاي برضو المحنه خساره فيك

ليست هناك تعليقات:

إرسال تعليق