الأحد، 22 أبريل 2012

عاود حضنا

يالقلت انك نور عيونا وحبنا***وديـمـه كـايـس قـربـنـا
وعشمت العيون بـي حبنا***وزليت القلب يوم خنتنا
ما قلنا فيك اجمل قصائد***واروع كلام زي درر من قلبنا
وشلناك من عيون الناس***ودسيناك دوام في حضننا
ولمن كنت تعطش,ليك نروي***من عيونا ودمنا
ولو ...
الجوع هرد بطنك***نقطع نجيب من خدنا
ومن ايدينا وجلدنا***وبعد كل الحصل تمشي وتفوت من قربنا؟
ليه تسيب القول كتير؟***لمن خلاص زاد العنا
والفينا ماتت من سنه***احلام جميله وحب دفن في قبرنا
ما كنا شايلين ليك عيونا وقلبنا***وجينا ليك نهدي الفضل من عمرنا
وبيك نطير زي الحمام***غالي الغمام ,,, يا حب عيونا وودنا
لكن العيون صبحت حزينه***اصلو الغالي ودع زمان يوم حزننا
والقلب اسمو الان وحيد***نافر اكيد من كل زول في دربنا
لكن خاص ارجع خلاص***ارجع وعادو حضننا

ليست هناك تعليقات:

إرسال تعليق