والله ما متذكركة!ـ
ما نعمة النسيان عظيمة
وقلبي ما مستدركك
ملغية أحزانو القديمة
وناسية دربك وسكتك
لا فاكرة أصلك لا هواك
لا طارية أبداً قصتك
***
ما تفتكر إنو الحياة
بعدك ح تقسى
وانو حبك ليهو قيمة
في لحظة بس تلقانا ننسى
كل مواجعنا الأليمة
ما نحن ناس باكر وحسة
نمشي خطوات مستقيمة
ما زي زمان نستنى لسة
ضجة الخوف والهزيمة
لا دمعة داسة وراها قصة
لا آهة تتوسد جحيمه
لا حلق خانقاهو غصة
ولا جراحات مستديمة
***
مين انت يا ضل الأسية
وزحمة الزمن الكلام
ما عندي ليك غير التحية
ومدة الإيد والسلام
لاني شايلة ليك هوية
ولا محنة ولا وئام
لا بطاقة ريد ندية
ولا مودة ولا ابتسام
لا بقدم ليك هدية
من مشاعر ومن غرام
بيناتنا انتهت القضية
ويا غريب الحزن نام . ـ
ليست هناك تعليقات:
إرسال تعليق