بحتسب

بقول ياقلبي خلاص روق
اصلو الجرح سكن جواي
وبقي جاري زي دم العروق
وبقي قطعه من حشاي
وبقي زي الروح في المروق
لما البريدو مايكون معاي
مصيرك ياقلبي تتباع في السوق
مصيري الالم مايحسو سواي
ومصيرك تلعب بيك الخلوق
ومصيري اتحمل شقاي
... متين تبرا جروحي تفوق
ومتين الفرح يطلب رضاي
ياقلبي في قدرك مكتوب
مسطر العذاب يبقي جزاي
ومن كاسو المر تضوق
يعذب روحي ويطلع الهناي
كل الحصل ريدك صدوق
وانا اتبعت طريق هواي
من الغروب طلع الشروق
واختفت النجوم من سماي
في لحظه رخاء انقفلت الدروب
وبقيت في الدرب ماشه براي
مااصلو قدري مامنو هروب
ولا بجبر القلم يوقف غناي
ولابتحمل تعيشني مغصوب
ولابفرض عليك تلبي نداي
المهم ادمنت ريد معشوق
خلاني ابصر بعد عماي
بس مجبور تعرف يامحبوب
اني اتمنيت تكون حواي
وانو مازل بالامل قلبي معيوب
ودمعي جاري كان نفع بكاي
خليها بس لعلام الغيوب
يمكن كاتب تكون حداي
ما اصلو قادر يجمع قلوب
لو تاهت في دروب سعاي
بحتسب الله فوق كل مخلوق
وآي بشر مرقك من دنياي