كلام غريب

كيفين اقول كون او لا تكون ؟ او كون معاي
هو من زمن قرر رحيل من قبل حتي مااكون
كلام غريب بس انت حاول تعرفو
اديني احساس بي الامل
حاول بس تكون معاي حتي لو بي الخيال
اهو احسن من عدم
... انا ياحبيب راجيك من زمن العدم
زمن ضقت فيهو حرمان وخوف
والحقيقه العمر جاء من انت جيت
والاكيد انك تمشي والدنيا عيد
كان عيد بي وجودك ياحبيب
بس بصبر عسي الله يجيبو قريب
اصلي مؤمن بي القدر وكل شي
ياقلبي قسمه ونصيب
اوعاك تفكر ده عتاب لا والله ده بس
ده بس شي جواي قام دقالو باب
باب مقفول لما صدى بي حنيني ليك
هدالو باب ,وفجاءه انفتح جواي انين
بس تاكد مو انين طعم الفراق
انين كده طعمو لذيذ خلاني اكتب دون حساب
اكتب مشاعر ليك تصل
يمكن عشم تفضل معاي
وتحس بي لو مره بس
وبي كلمه بس تتفضل علي
اي كلمه
او بس اقيف انا ماطامع كتير بي بسمه بس
ممكن اطير وافرح كتير
بالله شفت قلبي انا كيفن رهيف
و مهما طال الغياب
راجياك انا
وبي اي باب