كيف تقنع

‏

كيف تقنعا
كالوردة كانت هي بتطل
فاقدة الأمان.. والحيطة كانت أحلى ضل
يا انت لو كنتا الامان تهديك كانت ريد وفل
كيف تقنعا...؟
تلك البنية الكاشفة وشها في زمان الأقنعة
لاخايفة من قول الحقيقة..لا نورا إنطفا
كيف تفنعا
انو الطريق لسة منور بالنجوم...
وانو الضلام مابرجعا


الفاكرة أنو الدنيا زي لحظات صفا
جابت محنة وجاتنا في زمن الجفا
كيف تقنعا..؟
انوالمروءه كما زمان
موجودة فيهو زي جدي الزمان
كبف تقنعا..؟
انوالشهامة فيهو صحت كمان
انو الرجالة القاسية فيهو سمحة كما الحنان
انو الزمان لسة رضي
انو الحبايب لسة مازالو حنان
كبف تقنعا...؟؟
وهي بالمخاوف لابسة توب ومقنعة
كيف تقنعا....؟ والفرحة لسة ابت تجي ومتمنعة
كيف تقنعا؟؟
انو المرواغ تاب أمس
انو الكذب فيهوأختفى
كيف تقنعا...؟؟
وهي الطالبت بي كل زوق
انو الانوثة كيف لازم تكون
سمحة وقنوعة وباليقيت متقنعة
كيف تقنعا...؟
ما اتلخبطتت كيمان حياتنا المسرعة
اتراجعت قيم الحياة
نامت حروفنا المبدعة
كيفن تفرقوا بين رجال وأشباة رجال
ديل بالاصابع عدهم,,,
واحد زماااااااااان كان مات شهيد,,,
واحد عبيط,,, واحد اناني ماليان غرور .. ماليها خوف
لابقرا لابعرف يشوف
واحد بليد,, لاحاسي بالفرق الكبير
مابين وجودا وبعدها..واقف كما جبل الجليد
كيف تقنعا
انو الرجال لاباللبس,,لا بالشكل لا بالحزام لا بالجزم
لابالحلاقة ولا الاناقة ولا الهدم
ياالجيتنا فجأة بلا ميعاد
هل؟؟ هرمون شجاعة احمد تاني زاد
شان يقدر يمتلك إيد سعاد؟؟؟
كيف تقنعا؟؟
انا اتفاقي معاك..جائزة كبيرة جد
لوووووووو تقنعا