البادى اظلم

البادي أظلم
وانت بديت بالحنية
زي نهر النيل لو فاض
زارع الاَمال أحواض وأحواض
شوف حاجاتي جوة الدولاب
طلعت برة وفتحت أبواب
الجزمة مشت بتفتش ليك
واتخلت هي عن ( رجليا )
والطرحة توشوش في مسامعي
مشتاقة لحبيب عينيا
وأساوري تغالط في روحا
يوم سالمني,,,,,
شافني انا اول او( هيا )
مافرقت ياخ اهدو شوية
والكحل اتشابا من العينين
عايز يسلم قبلها (هيا )
قال الفنان أجمل موال
الغنية الكانت في الرادي
حكت اوصافك قبل شوية
نفس الفكرة ,ونفس السمرة
والطول واللون والحرية
قالت طيب وقلبك ابيض
كلك زوق رقة وحنية
البادي أظلم,,,
العين بالعين ,,,,
وانا عيني اكبرمن عينك يازول
لكن عينك فيها حنية
والسن بالسن,,,,,
وسنونك ضاحكة دوام ( ليا )
والقاضى حكم,,,!!!
غلطان أنت ,,,
ماإنت بديت بالحنية
إستحمل كل مايجيك مني
بالحنية,,,,,,,,

ماإنت حنين برضو ( عليا)